Internet Connection Error!

Гэртээ интернет тавиулах юмсан гээд олон жил болж байнаа. Тэгээд одоо хямдраа байлгүй гээд МИДАС-ын холбоос руу ороод монголын топ гэх ISP-нүүдийн холбоосуудыг аваад нэг нэгээр нь орж үзлээ. Нүдэнд энд тэндгүй л хямдхан эсвэл хядарсан гэж бичигдсэн харагдана. Тэгээд кабель мабель шаардагдахгүй wireless үйлчилгээг сонгоод үйлчилгээний тухай уншлаа. Хямдхан гэх юу ч үнэртсэнгүй. За тэгвэл xDSL -ийг үзье гэтэл бас л таалагдсангүй үнэтэй юм.

Ямар dial-up ашиглалтай нь биш дээ тээ. За би лав dial-up хэрэглэж чадахгүй. Ер нь ч тэгээд dial up чинь бас яг бодвол үнэтэй service байна лээ ш д. Olloo.mn гэж бичээд Enter дарахад olloo-гийн index.php (110 kb) мөн бусад зураг дүрс гэх мэт файлууд нийлээд 687 kB байна ш д. Эдгээрийг уншиж дуусахийг хүлээвэл хэдэн минут болох бол та боддоо, Dial-up 56Kbps (7 KBps) харин утасны мөнгө 1 минут нь хэдэн төгрөг билээ дээ. Ингэж бодохоор үнэтэй байгаа биз. Бас өөр нэг үнэтэй гэх баталгаа бол цаг юм. Би дэлгэцийнхээ урд зүгээр л olloo-гийн нүүр хуудсыг үзэх гээд хэдэн минут зарах вэ. Тэгээд энэ хүлээх хугацаанд dial-up үйлчилгээний хөлс мөн цахилгаан холбооны шугам ашиглаж байгаагийн хөлс төлнө. Миний тооны машины орон дуусчихлаа. Нийт хэдэн төгрөг би интернет хэрэглэсний төлөө төлөх вэ. Би лав олж мэдэж чадсангүй.

 

Америк Солонгос Япон шиг айл бүрийг шилэн кабельтай болгоно гэвэл жинхэнэ наян жил болно биз. Харин xDSL-үүд хямдарч байна. Хангалттай биш ч гэсэн хямдарсаар байна. Энэ нь сайн хэрэг. Гэхдээ одоогоор хамгийн хямд home гэх DSL нь 64kbps (8KBps) тэгээд 20$. Нөгөө olloo-гийн index хуудсыг бодсон чинь бас л хангалтгүй. ADSL, HDSL, эсвэл SDSL-ийн modem нь үнэтэй юм, хамгийн доод тал нь 50$. За яахав гээд сарын цалингаараа авлаа гэж бодоход сар бүр 20-оос 30$ төлж барахгүй шүү дээ. Авах хэрэг байна уу?

 

Харин Wireles service (802.11x) хэзээ хямдрахийг мэдэхгүй. Мөн эдгээр Wireles үйлчилгээг үзүүлдэг компаниудын marketing-ийг би бас ойлгохгүй байгаа юм. Modem (wireless) нь 150$ орчим, сарийн хураамж нь (128kbps нь ) 70-аас 80$. Эсвэл зарим нэг нь modem-ийг түрээслүүлнэ гээд 30$ (сард) нэхээд сууж байна. Аа тийм бас болоогүй ээ bandwidth–ийн хязгаар тавиад байгаа юм даа. Хувь хүн буюу айл гэрт бол боломжийн хурд боловч үнэтэй, байгуулагад бол хямд ч хурд нь хангалтгүй. Интернет зайлашгүй хэрэгтэй байгууллагад бол мэйл бичээд л боллоо. Илүү горидолтгүй. Жижиг албан байгууллагууд эсвэл интернетийн шаардлага бага байдаг газрууд л үйлчлүүлдэг байх. Айл гэрт гэвэл нөгөө баячууд шууд л шилэн кабель тавиулах байлгүй тээ. Бид гэртээ тавихгүй нь тодорхой. Энэ ямар сонин marketing вэ, эсвэл хувь хүмүүс гэдэг үйлчилгээг хаах хэрэгтэй ш д зөвхөн байгуулага гээд тавих хэрэгтэй юм биш үү. Энэ үйлчилгээг ямар хүн гэртээ тавиулж байгааг нэг асуух юмсан.

 

Аз болоход AJAX технологи хөгжиж байна. Хурдан хөгжөөд хангалттай түвшинд хүрээсэй. Тэр үед нь ч бас интернетийн үнэ багасах байлгүй дээ. AJAX -ийг яагаад бүгд өргөнөөр хэрэглэхгүй байна вэ гэвэл вэбсайт болон реклам тавиулагч хоёрын хооронд маргаан үүсээд байгаа юм. Жишээ нь яахуу шиг сайт үнэгүй үйлчилгээ үзүүлдэг, тэр үнэгүй үйлчилгээндээ хэрэглэгчийн зөвшөөрөлгүй реклам тавьдаг, ингэж санхүүждэг. Харин Реклам тавиулагч нь Яахуу руу хэдэн хүн хандаж байгаа нь мэдээд тэрэнд тохируулж мөнгө төлдөг. Уул нь яг хэдэн хүн гэдгийг нь нээх сайн мэдэхгүй л дээ зүгээр л HIT-ийг тоолдог. Харин AJAX технологийг ашигласнаар HIT нь илт буурсан, учир нь AJAX чинь асинхроноор өгөгдөлөө татаад авчихдаг юм чинь. Тэгээд л реклам тавиулагч нь танай HIT тэд байна бид рекламандаа тэдийг л төлнө гээд, харин яахуу нэгж HIT-ийнхээ үнийг ихэсгэхээр нөгөө байгуулага нь үнэтэй байна гээд л. Энэ асуудал шийдэгдвэл бас мөн монгол вэбүүд AJAX технологийг ашиглавал мөн гоё доо.

 

За өөр ямар арга байж болох уу. Нилээд хайлаа, би лав хямдруулчихаар арга олсонгүй. Харин нэг ийм юм оллоо. Гэхдээ оллоогоос биш шүү. Тэндээс юм олоход хэуүү юм байна лээ. Та нар trial.ulusnet.mn гээд ороод үзээрэй. Хаанаас гаралтайг нь мэдсэнгүй, магад үгүй шинэ компани байх. Тэнд WiMax–ийн үйлчилгээг үзүүлнэ гэж байна лээ. Хамгийн гол нь эхний нэг сар үнэгүй (учир нь trial) гэсэн. Гэхдээ би туршиж үзээгүй л байна. Харин та нар туршиад энэ бичлэгт comment бичээрэй. Төхөөрөмж үнэгүй суурилуулна, нэг сар ашиглахад төхөөрөмж нь ч үйлчилгээний хөлс нь ч үнэгүй гээд л рекламдаад байна лээ.

 

Ер нь Dial-up, xDSL, wireless, мөн VSAT –ийн алийг нь ч хэрэглэх боломж алга. Эдгээр үйлчилгээнүүдийг анх гарсанаас нь хойш л хямдрахийг нь хүлээлээ. Ер нь бид нар шиг хүмүүс гэртээ интернет хэрэглэж болохгүй юм болов уу. Эсвэл би ганцаараа ядуу үлдчихсэн юм уу.

 

Гэртээ интернет тавиулах гэсэн чинь нэг иймэрхүү л юм болж бас иймэрхүү л юм бодогдлоо. Би одоо яах уу?

 

хүлээхээс…